Konsèy Elektoral Pèmanan Jovenel Moïse la

Lanui pase, Prezidan Jovenel Moïse ofri tèt li yon nouvo Konsèy Elektoral Pwovizwa (KEP). Etandone moun ki abitye alawonyay yo t ap mache di yo p ap voye pèsonn nan KEP a, Nèg Bannann nou an inove e envante nouvo sektè pou koz la.

Le nouveau @cep_haiti est là.
5 femmes, 4 hommes
1 représentant du Secteur de la Jeunesse (?)
1 représentant du Secteur des Handicapés (?)
1 représentante de la Diaspora (!)

L'administration Moïse-Jouthe innove. pic.twitter.com/tsE39DJe5H

— La loi de ma bouche (@laloidemabouche) September 19, 2020

Omwen fwa sa se pa Patwona, Sendika oswa Laprès. Sektè Prezidan Moïse yo sui generis menm jan ak Konsèy li a, ki, yon lòt fwa ankò, pa menm fè sanblan li baze sou Konstitisyon an. Nan lis « etandone… » li yo, olye Konstitisyon an, li pito sèvi ak Dekrè elektoral 2015 lan kòmkidire pou l montre se ak menm Konsèy la nou ann afè -pandan manm li yo te demisyone an blòk.

Prezidan Moïse ka pran libète sa. Sa gen de jou, jou ki te 16 septanm 2020 an, Anbasad ameriken te avèti moun ki soti pou bare wout KEP a ke yo mèt pare yo, ap gen konsekans.

.@StateDept Sr Official #Haïti doit faire son travail et former un nouveau @cep_haiti avec des membres ayant une réputation d'intégrité, d'honnêteté et de compétence pour organiser un processus électoral libre et juste. Il y a des conséquences pour ceux qui y font obstacle 2/2

— U.S. Embassy Haiti (@USEmbassyHaiti) September 17, 2020

Se otorizasyon pike devan sa Prezidan an t ap tann, arete pou chita KEP a e òganize eleksyon li an te sou poz depi 14 septanm 2020.

• 

• 

• 

Arete ki nome Konsèy Elektoral Pwovizwa a e ki fikse manda li a

Konsèy sa a gen 3 misyon:

• Oganize referandòm pou yon nouvo Konstitisyon
• Oganize eleksyon lejislatif yo, eleksyon lokal yo, eleksyon prezidansyèl yo ak lòt ankò
• Rete la jiskaske yon Konsèy Elektoral Pèmanan rive kreye

Dènye pwen sa fè nou panse a yon pwolonjman KEP 2015 lan, sa gen 5 an, yon KEP nou te gentan prezante kòm pwovizwa pèmanan sou blòg sa.

Monsieur le Président @moisejovenel, partagez le texte de la Constitution dès demain pour qu'on puisse savoir au plus vite à quelle sauce nous serons mangé.e.s est le titre de la pétition que je n'écrirai pas.

— La loi de ma bouche (@laloidemabouche) September 19, 2020

An menm tan, m pa kwè se yon egzajerasyon si nou sipoze ap gen yon Konsèy elektoral definitif anndan Konstitisyon Moïse la. Yon fwa yo « adopte » Konstitisyon sila nan referandòm nan, nouvo Konsèy la ap pran larelèv KEP nou gen la a. Sinon, KEP sa ap kontinye 5 an apre. Nan tou de ka yo, Moïse ansanm ak kolòn li yo ap gen yon KEP ki rele yo chè mèt chè metrès a dispozisyon yo e ki te asiste viktwa « yon sèl kout kle », viktwa radmare yo a nan eleksyon prezidansyèl ak lejislatif 2015 ak 2016 yo, e sa ki pi rèd la, avèk yon seri kat elektoral ke founisè madanm Prezidan an te chwazi sou mezi a te founi. Nan tou de ka yo, se ap menm rezilta a.

---

Biyè sa se tradiksyon an kreyòl yon tèks @patriciacamilien te ekri sou blòg la nan dat 19 dawou 2020 e ki gen pou tit: Le Conseil Électoral Permanent de Jovenel Moïse.