Pwojè lwa finans lan reyisi – si sa te posib toujou – fè nou wont sou konpetans kèk nan élu nou yo nou te fè ti konfyans toujou. Poutan yo demontre premye karakteristik onorab palmantè nou yo se enkapasite fondamantal yo yap ekspoze ak fyète.
Nan de(2) semèn, de(2) senatè nou toujou salye kouraj entèlektyèl yo nan laprès, te denonse (sa ki gen pou li vin) lwa bidjè 2017-2018 la pou yon rezon ki dwòl anpil: ta sanble li kontrè ak lalwa.
Kòm senatè sa yo te resevwa konpliman jiri a pou pozisyon prensip yo, m ap prese pou m foure bouch mwen pou m fè , menm jan papa m ki notè renmen di, yon « point de droit » ki se tit biyè sa:
YON PWOJÈ LWA KI GEN POU L VIN LWA PA KA VYOLE LALWA
Se yon fait juridique, ki pou yon fwa gen yon lojik byen senp. Pwojè lwa a (poko) yon lwa. Se yon pwojè. Lè li vini yon lwa,li ranplase lòt lwa ki kontrè li yo. Se senp pa vre?
Men li sanble pa senp pou senatè nou yo ki gen lè pa t li biyè À quoi sert Gracia Delva a paske yo pa sanble fin konprann wòl palmantè yo a.
Sa pa anpeche Senatus Scribendi nou yo miltipliye pwopozisyon lwa yo ki, si yo te pase, tap vyole, konstitisyon an, bon sans ak lizaj.
Pou benefis yo ak pa jiri a tou, mwen ta renmen prezante la bèl ti chema nòm yo dapre Kelsen:
Pati konstitisyon
Pati konvansyon
Pati lwa
Prensip jeneral dwa
Regleman (dekrè,arete)
Aksyon administratif(sikilè ak direktiv)
Ak yon ti chans, yon moun pral fè li rive jwenn palmantè yo ki va ajiste aksyon demagojik yo a yo an konsekans.
Version originale : Un projet de loi a vocation à devenir une loi et ne peut donc violer la loi. Publié le 7 septembre 2017.
laloidemabouche.ht 
Laisser un commentaire