Skip to content

Yon pandemi nan chèche bann

Tèz ki fè kwè se pangolen ki transmèt SARS-COV-2 a– pandan li menm se nan chòvsouri li jwenn li kòm rezèvwa viris la – kòmanse konfime. Prèske 2 milyon moun trape yon viris ki, selon dènye nouvèl yo, touye 110.052 pami nou nan 185 peyi paske yon seri mesye t ap chache bann. Apre, n a vin mande m kisa « feminism » itil.

Plizyè milyon moun malad, plizyè milya nan konfinman, plizyè trilyon dola mobilize pou sove ekonomi an… se tout mond lan ki bloke paske yon seri mesye te vle bande. Ou konn sa ki pi komik nan istwa a ? Yo kontinye pi rèd. Non, madanm. Hm hm, msye.

Nan dat 31 mas 2020, yo te sezi 6,16 tòn ekay pangolen nan Port Kelang, an Malaisie. A 2900 dola pou 1 kilo, valè kagezon sa estime a 17,9 milyon dola – apèn 100 mil dola ki separe l ak valè kòmand materyèl pou lopital Gouvènman Ayisyen an te fè pou lite kont Kowonaviris la. Sa ta dwe ban nou yon ide.

Plizyè dizèn milyon moun nan chomaj. Grangou a san lè vin pi grav. Yon konfinman ki ka detire rive yon lane edmi…Paske yon seri mesye t ap chache bann.

Men li. Se biyè a sa wi.


Biyè sa a se tradiksyon kreyòl yon biyè @patriciacamilien te ekri 12 avril 2020 e ki titre "Une pandémie pour une érection".

Kategori

Uncategorized

Leave a Reply

%d bloggers like this:
Skip to toolbar