Skip to content

Non, Nou Tout Pa Koupab!

Nan moman nou ap ekri la, menm moun ki t ap di “Kite peyi m mache” yo, paske “Ayiti pa m nan diferan ”, paske nou se yon seri “ti egri k ap megri“; menm san wont san santiman sa yo, ki tou lòt jou la a t ap kritike nou sou jan nou toujou prè pou nou pale peyi a mal, san nou pa panse kijan Blan an pral wè nou, menm moun sa yo, yon lane anvan sa, t ap rele dèyè pitit pèp la ki t al montre lasèt grandè mizè li sou plaj grannèg Labadee; menm moun san sèvèl sa yo , moun mechanste yo twòp pou tè sa yo, se yo menm ankò ki ap klewonnen nou tout koupab paske nou te bay yon chantè popilè vòt nou , yon nonm antifanm tout moun konnen ki gen foli chèf e ki fyè de sa , se li nou t al konfye lavni yon pèp ki toujou ap sibi aksyon moun ki pa gen zansèt yo (sèlman) ann Afrik yo . Ak tout awogans yo, kounye a yo ap atire nou nan movèz konsyans k ap chavire lespri yo.

Mwen regrèt sa , men pa gen lòt fason nou kapab konsidere sa. Ansyen prezidan sa, apre li fin fè yon pil dèt sou do nou, jiskaske li pa kapab ankò, pandan moun ki nan lantouray li t ap vin pi rich anba je tout moun, li pa jwenn lòt bagay pou li fè sèlman tire toya sou fanm, jounalis, de moun misye p ap janm rive pòy yo nan entegrite, ebyen se viktwa pa nou li ye. Nou vote li nan eleksyon, nou enpoze nou li, nou te pran defans li, nou te pwofite sa li t ap bay yo. Se zafè pa nou li ye. Kenbe li pou kò nou. Se li nou merite.

Nou menm, reyèl pitit fi ak pitit gason peyi a ki pa t dakò krim ak banbòch wòz la ; nou pa dakò pote menm yon pwèlyèm nan responsablite Katastwòf Martelly a . Lè nou ap chache koupab, fin gade nan yon glas lèfini vire je nou gade moun sa yo:

Nan lis disèt longè koupab krim trayizon lapatri yo, genyen kèk moun nou p ap jwenn. Nou p ap wè non nou, nou menm piti otantik peyi a ki te rayi epi kontinye estomake devan lepouvant wòz la; sa nou te toujou ap denonse a. Tankou jan Richard Senecal di li sou twitter , sa gen kèk minit:

“NOU PA FWENK KOUPAB! ”


Version originale: "Non nous ne sommes pas tous coupables". Publiée le 18.08.2017

Kategori

Repons

Cet article est également disponible en : French

Leave a Reply

%d bloggers like this:
Skip to toolbar